Etholiadau - Gallwch Wneud Gwahaniaeth!

Yn 2024, mae Esgobaeth Llandaf yn cynnal etholiadau ar gyfer y Corff Llywodraethol. Isod mae'r holl wybodaeth sydd ei hangen arnoch am y broses ac enwebu.

Bob blwyddyn mae Cynhadledd yr esgobaeth yn ethol pobl i wahanol gyrff yr Eglwys yng Nghymru. Eleni mae etholiadau ar gyfer Corff Llywodraethol (CLl) y CinW (‘senedd’ yr Eglwys).

Y CLl sy'n gosod y weledigaeth ar gyfer y dalaith ac yn cytuno ar y Cyfansoddiad sy'n llywodraethu ei gweithgareddau.

Rydym yn ethol dau aelod clerigol a phedwar aelod lleyg i'r Corff Llywodraethol eleni.

Mae rhagor o wybodaeth am y CLl ar gael yma.

Yn gyffredinol, gall y rhan fwyaf o glerigwyr trwyddedig CI sefyll etholiad i’r naill neu’r llall (neu’r ddau) o’r cyrff hyn, fel y gall y rhan fwyaf o aelodau lleyg yr eglwys sydd rhwng 18-75 oed. Am fanylion llawn gweler y ffurflenni enwebu perthnasol isod.

Gall unrhyw un enwebu ac eilio ar gyfer y swyddi hyn, er mai aelodau lleyg a chlerigol y Gynhadledd Esgobaethol fydd yn pleidleisio yn yr etholiadau.

Cynhelir ein hetholiadau eleni yn ystod pedair wythnos gyntaf mis Medi. Bydd angen i chi anfon unrhyw bapurau enwebu erbyn 9am ar 1 Medi.

Aelodau Cynhadledd yr Esgobaeth – Lleyg a Chlerig

Bydd y broses yn cael ei rhedeg ar-lein trwy ElectionRunner, fel mewn blynyddoedd blaenorol. Os nad ydych wedi derbyn e-bost gydag opsiynau pleidleisio erbyn 3 Medi, gwiriwch eich ffolder sbam/sothach am e-bost gan ElectionRunner. Os nad oes e-bost priodol wedi dod drwodd, rhowch wybod i ni ar diocese.llandaf@churchinwales.org.uk cyn gynted â phosibl, fel y gallwn eich ychwanegu at y bleidlais.