Bishops Endorse Call for Gaza Ceasefire and Release of Hostages
The Bishops of the Church in Wales are supporting a statement which calls for an immediate ceasefire in Gaza and the release of the remaining Israeli hostages.
They reaffirm the recent statement from the English House of Bishops which also advocates a “just peace” for Israelis and Palestinians and condemns antisemitic and anti-Muslim sentiment in our own communities in the UK.
Datganiad Tŷ'r Esgobion
Wrth i Israel baratoii ymosod yn Rafah, rydym yn galw am gadoediad ar unwaith.
Rhaid atal yr ymosodiad di-baid ar Gaza, sy’n achosi colli bywyd a difrod enbyd i’r seilwaith sifil. Nid oes cyfiawnhad moesol ar gyfer y dull hwn o ryfela.
Rydym yn annog Israel i gadw at orchymyn yr ICJ ac i sicrhau bod Palestiniaid yn cael mynediad at fwyd, dŵr, gofal iechyd a diogelwch, sydd wedi'u gwadu iddynt ers amser maith. Rydym yn croesawu galwad ddiweddar yr Ysgrifennydd Tramor am saib ar unwaith yn yr ymladd a byddem hefyd yn croesawu cynrychiolaeth bellach i Lywodraeth Israel ynglŷn â’r ffordd y mae’n arfer ei hawl i hunanamddiffyn ac i gadarnhau ymlyniad at gyfraith ryngwladol.
Rydym yn parhau i eiriol dros ryddhau'r gwystlon sy'n weddill a rhoi diwedd ar yr ymosodiadau taflegrau ar Israel gan Hamas. Rhaid i bob ochr ddechrau dychmygu dyfodol y tu hwnt i'r gwrthdaro hwn: am heddwch cyfiawn i Israeliaid a Phalestiniaid. Ni all y rhyfel hwn arwain at gyfuno system o feddiannaeth sydd wedi gwadu eu hawliau a'u rhyddid yn rhy hir i Balesteiniaid.
Wrth weddïo dros bawb yn Israel a Phalestina sy’n byw yng nghanol rhyfel ac mewn ofn rhyfel, gweddïwn yn arbennig dros y cymunedau Cristnogol Palesteinaidd, fel y byddant yn adnabod cryfder a phresenoldeb Ysbryd Iesu Grist, Tywysog Tangnefedd.
Wrth inni ystyried effaith y gwrthdaro presennol yn y Dwyrain Canol ar gysylltiadau cymunedol yma yn y DU, rydym unwaith eto yn condemnio pob drwgdeimlad gwrthsemitaidd a gwrth-Fwslimaidd. Cawn ein brawychu gan y bygythiadau a cham-drin cynyddol ar Iddewon ar gampysau prifysgolion, yn ein cymdogaethau, ac ar-lein. Apeliwn ar ein cymunedau i fod yn ddiogel i bawb beth bynnag fo'u cenedligrwydd, ethnigrwydd neu grefydd. O’n rhan ein hunain, rydym yn ymrwymo i weithio ochr yn ochr â’n cyd-arweinwyr ffydd er lles pawb, er gwaethaf a chyda’n gwahaniaethau.